إعرف فيروس كرونا وازي تحمي نفسك منة وانت تهزمة

إعرف فيروس كرونا وازي تحمي نفسك منة وانت تهزمة
    افهم فيروس كورونا وانت تهزمه . بس تقولوا يارب

    مبدأيا هو مش كائن حي ، هو حمض نووي بيحلم يبقي كائن حي .
    ١-خطته ؟
    -مالوش حياه غير جوا خلايا الرئه  هي المكان الوحيد اللي ممكن يستوعبه ويديلو كميه الاوكسجين اللي محتاجها علشان يعيش .
    ٢-طريقه التنفيذ :
    هاينتقل عبر الرزاز من شخص للتاني او من علي ايديك لأنفك ثم للقصبه الهوائيه استعداد للتسلل للرئه  .
    ٣-ايه اللي هايمنعه ؟
    مجرد دخوله الحلق هايقابل اعصار من اللعاب يجبره علي دخول  المعده علشان يتفرم من احماضها وبكده مايعرفش يدخل  الرئه ويموت .
    -والحل ؟
    -هايتشبس بجدار الحلق اطول وقت ممكن( علشان كده زورك بيوجعك ) ويمص كل اللعاب  علشان جفاف الحلق هايخلي اي شويه هوا  يدخلوه علي الرئه ( علشان كده ريقك بينشف) ارجوك اشرب مياه كتير وياريت دافيه علشان تجبره يدخل المعده ويغور في داهيه  .
    في اللحظه دي المخ بيعرف اللي بيحصل  فيبتدي يرفع حراره جسمك علشان يقتله ( علشان كده بتسخن ) .
    -طب لو فشلنا وحصلت الكارثه ودخل الرئه ؟
    -في الحاله دي هيحتل اي خليه ويسكن فيها ويتحول لكائن حي ويبتدي يتكاثر ويعمل من الخليه مصنع فيروسات ( خارج الجسم كان لايمكن يتكاثر ) علشان كده الجلوس ف البيت يقلل انتشاره ويقضي عليه .
    -دلوقتي هو ف الرئه  ، فورا هايبتدي خط دفاع كرات  الدم البيضا يهاجمه بشكل عشوائي.
    Stop
    هنا بقي لو  قلبك وضغط الدم واللياقه كويسيين هاتضخ كميه دم كبيره مليانه أجسام  مضادة  وتقتله( ده الانسان اللي مناعته قويه ) علشان كده نتحرك ونلعب رياضه  في البييت  ونبطل تدخين علشان نقوي الدوره الدمويه وبلاش قاعده طول اليوم .
    خلي بالك الاكتئاب والخوف والوهم وتداول الاخبار المرعبه بتشل جهاز المناعه وتخلي المرض يتمكن منك  .

    -لسه الفيروس ف الرئه والدفاع بيحاول يقتله  وغالبا بينجح بس اللي مناعته ضعيفه او اللي بيدخن كتير  هايفشل خط الدفاع و هاترجع كرات الدم البيضه مهزومه لكن معاها عينه من الفيروس فيبتدي جهاز المناعه يصنع اجسام مضاده مناسبه لشخصيه الفيروس ويرجع يدمره .
    بس للاسف
    التصنيع محتاج من يومين ل خمسه ايام  وممكن يكون الفيروس دمر الرئه لو الانسان كبير ف السن ( فوق ال ٧٠)او مناعته ضعيفه او عنده مرض قوي، لكن لو جسمه سليم وصحته معقوله هايصبر لحد ما الاجسام المضاده تيجي تدمر الفيروس وده بيحصل عند النسبه الاكبر .

    مبروك
    ٨١٪؜من اللي بيجيلهم الفيروس بيحصل الكلام ده اوتوماتيك من غير مايحس ويجيلو  الفيروس ويموت وهو  مش داريان  .
    فاضل ١٩٪؜ وهما عباره عن  ١٥ ٪؜ بيخضعو للحجر او العلاج ويشفو  بالكامل
    فاضل كده   ٤٪؜
    وهما متكونين من ٢٪؜بيدخلو العنايه المركزه ويشفو  بالكامل ، و...٢٪ اللي اتكلمت عنهم ؜( كبير السن والمريض بضعف المناعه او مرض خطير ) للاسف بيموت .

    الخلاصه :
    -نسبه الشفاء من الفيروس ٩٨٪؜و بدون مصل يعني اضعف فيروس ظهر ف الكون .
    -  مش بياثر علي  اكتر من ٩٩٪؜من الاطفال وخطورته علي كبار السن فوق ال ٧٠ والمرضي بضعف المناعه.
    -اخطر حاجه ممكن  تصيبك بالمرض هو التوتر والقلق  ومتابعه الاخبار السيئه وقله النوم وعدم الحركه والعدوي بالتجمعات .
    -اللي يدمر المرض  هو الضحك والتفاؤل ولعب الرياضه  في البيت لتنشيط الدوره الدمويه وأكل الخضار الاخضر والفاكهه وبالذات الموالح ،وممكن تخرج الصبح في الشمس كل كام يوم انت وولادك او لوحدك  ف مكان مفتوح  وبدون ماتقرب من حد ( لو مش محتمل  خنقه البيت)  .
    علي فكره نسبه الاصابات بفضل الله  ف مصر في تراجع  واضح والحكومه لأول مره تفلح في حاجه وتدير الازمه صح جدا  .
    بس ناقص الدولة تعمل أجازة لكافة القطاعات وتوقف النقل العام والمترو وتقفل اي مكان فيه تجمعات زي الأسواق ( العتبه) احنا خلاص المساجد اتقفلت والسعودية قفلت المسجد الحرام والمسجد النبوي  وبقينا بنصلي ف البيت . مفيش مأساه أكتر من كده .
    اللهم ردنا إلى بيتك ردا جميلا سالمين معافين وارفع اللهم هذا البلاء . اللهم آمين .
    ارجوك انشر  الامل .. ده دورك .
    khalel talima
    @مرسلة بواسطة
    كاتب ومحرر اخبار اعمل في موقع موجود دوت كوم .

    إرسال تعليق