قصة تجعلك تنسي اليأس.

قصة تجعلك تنسي اليأس.

    من عشر سنين اتخرجت واشتغلت مع مجموعة من صحابي في نفس الشركة.. كول سنتر

    انا كنت اشطر منهم في الشغل بس هم كانوا اشطر مني بكتير في التواصل والعلاقات..

    وبالتالي كانوا دايما هما اللي بيترقوا.. مرة مرتين وانا زي مانا..
    حاولت اصلح نفسي واطورها واخد كورسات تفيدني.. بس كل مرة هما اللي كانوا بيترقوا.. الإدارة كانت شايفة كدة!

    ولما فكرت اسيب الشركة واقدم في مكان تاني على وظيفة أعلى واحدة منهم جات قالتلي كدة بالحرف:

    - هتروحي فين محدش هيرضى ياخدك تيم ليدر وانتي هنا إيچنت وهيقولولك فضلتي خمس سنين في مكانك متحركتيش ليه.. ؟

    = بس انا واخدة كورسات كتير تعلي مني وتقوي موقفي!

     - يابنتي كنتي خدتي الخطوة دي من زمان انما دلوقتي  خليكي كلي عيش ومتتنططيش محدش لاقي شغل.. ووفري الفلوس اللي بتبعزقيها على الكورسات وهاتيلك حاجة تنفعك!!  

    مسمعتش كلامها وروحت قدمت فعلا .. بس متقبلتش!! والغريب انه كان علشان نفس السبب اللي هي قالته!! 

    المكان اللي كنت باخد فيه كورسات كلموني وقالولي ان عندهم اوفر على كورس سوفت وير كدة .. مالهوش اَي استخدام ولا اَي خطة في دماغي.. وافقت وقولت اشغل نفسي بحاجة بدل ما اكتئب..وقبل ما أخلصه صدفة تاني جمعتني بشخص بيدور على حد بيتكلم لغات وعنده خلفية عن المجال بتاع الكورس اللي بدرسه..
    قدمت.. واتقبلت..!

    استقلت من شغلي القديم.. عملت كل المجهودات اللي عملتها زمان في مكاني الجديد.. اترقيت.. مرة واتنين.. اتعلمت حاجات اكتر بكتير..سافرت بلد واتنين.. كاريري بقى افضل بكتير من اعلى حاجة كان ممكن أوصلها في الكول سنتر.. كل الفلوس  اللي صرفتها على الكورسات  اقل من مرتب شهر واحد في شغلي الجديد..!

    الموضوع من طرف حنان فارس

    إرسال تعليق